Chris Dusauchoit leest zijn nieuwjaarsbrief voor

Beste West-Vlamsche menschen

‘k Sien hier mè mien nieviejoarswenschen.
Twiduusd en twientig moe zien gelik u meter of u peter.
Oe meer da je gift oe beter.
Mo ’t is nie ossan azo, soms èn ze joen te stekken,
en is ’t leven gelik u crèmekarre: meer duwen of lekken.

Vo joen, luusteraore, is mien grotste wens:
van éns en tèns,
u goeie gezoendheid,
’t is ’t vornamste dat telt,
want blozende kaken, je kopt da mè gin geld

En da je da nieuwe joare
meugt toope beleven of e bitje tehoare.
Mè radio twèè, de grotste familie.
Zowel ip verplatsing of in je domicilie.

Wa moe me nog zeggen van twiduusd negentiene?
’t Is tiet dat ’t uut is.
Want ’t was nie vet mor ook nie stief fientig.
Gif oens mo zere, twiduusd en twientig.

En dus krieg je een zoen
van je klène kapoen.
Een pieper ier en een totje doar, 
geniet mè vulle teugen van ’t nieve joar.

Chris